Nga Gazeta ‘Si’-Kryeministri i Kosovës, Albin Kurti, ka biseduar me të dërguarin e Bashkimit Evropian për dialogun mes Kosovës dhe Serbisë, Mirosllav Lajçak, për uljen e tensioneve me Serbinë dhe normalizimin e marrëdhënieve mes dy vendeve.
Lajçaku ka thënë se me Kurtin kanë pasur një diskutim të dobishëm për situatën aktuale në veri të Kosovës, si dhe rrugën përpara drejt shtensionimit.
“Në Simpoziumin e SYMI-t të këtij viti, pata një diskutim të dobishëm me kryeministrin e Kosovës Albin Kurti, për situatën aktuale në veri të Kosovës dhe rrugën përpara drejt deeskalimit, si dhe zbatimit të të gjitha marrëveshjeve të dialogut”, shkroi emisari në Twitter.
At this year’s Symi Symposium, I had a useful discussion with Prime Minister @albinkurti about the current situation in the north of Kosovo and the way forward towards de-escalation and implementation of all Dialogue agreements. pic.twitter.com/A9cC6xAGmh
— Miroslav Lajčák (@MiroslavLajcak) July 18, 2023
Dy zyrtarët kanë biseduar në konferencën e mbajtur në Kretë të Greqisë.
Kurti e ka konfirmuar vetë takimin përmes një postimi në Twitter.
“Ne vazhdojmë të jemi të përkushtuar. Moti ka qenë shumë më i nxehtë sesa diskutimet tona”, ka thënë mes tjerash Kurti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
