Gjykata Penale e Tiranës ka liruar nga burgu 2 nga 6 personat e arrestuar dje për falsifikimin e dokumenteve, nëpërmjet laboratorit dhe që akuzoheshin se kanë ndihmuar një numër të lartë personash për t’i kaluar drejt vendeve të BE-së në mënyrë të jashtëligjshme.
Gjykata ka caktuar masën e sigurisë “detyrim paraqitje” për 29-vjeçarin Enzo Hysko dhe për 57-vjeçaren Valbona Badenin.
Ndërsa për organizatorin Lirim Shimi dhe bashkëpunëtorët e tij Agron Hoxha, Henri Kurti dhe Myslym Hysko u caktua masa e sigurisë “arrest me burg”.
Policia në operacionin e djeshëm, arrestoi në flagrancë 6 persona.
Sipas policisë ky laborator funksiononte në banesën e dytë të njërit prej të arrestuarve, Lirim Shimi, i cili është organizatori i falsifikuesve të dokumenteve.
Shtetasit e mësipërm në bashkëpunim me njëri-tjetrin kryenin falsifikimin e dokumenteve të ndryshme, për të bërë të mundur kalimin e paligjshëm të kufijve për në vendet e BE-së, me qëllim qëndrimin si rezident, si dhe përdorimin e dokumenteve për transit në Angli.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
