.png)
Një video e katër leopardëve të dëborës në Pakistanin verior ka gëzuar jo pak ruajtës apo vëzhgues të kafshëve të egra. Kjo për shkak se “takimi” me këto mace gjigante është diçka vërtet e rrallë.
Pamjet u filmuan nga një punonjës i Parkut Kombëtar në vargmalin e Karakoramit, një prej më të lartëve në botë.
Ai prej një jave ndiqte gjurmët e leopardëve në dëborë, por në fund arriti t’i filmonte, rastësisht, nga çatia e shtëpisë së tij.
Leopardët e dëborës janë jashtëzakonisht të pakapshme në mesin e maceve të mëdha dhe janë aktualisht të listuara si në “rrezik” nga një Grup Ndërkombëtar Konservuesish.
Banorët që jetojnë pranë habitatit të tyre zakonisht u referohen si “fantazma të malit”, për shkak se thuajse nuk kanë kurrë mundësi t’i shohin me sytë e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
