Rruga drejt një propozimi për martesë mund të jetë e gjatë dhe rraskapitëse. Për dy atletë sllovakë, rruga ishte 35 kilometra.
Dominik Cerny dhe Hana Burzalova ishin në Budapest, Hungari, duke konkurruar në garat e ecjes për burra dhe gra në Kampionatin Botëror të Atletikës.
Të dyja garat u zhvilluan njëkohësisht të enjten, me Cerny që përfundoi i 19-ti në garën e meshkujve me kohën më të mirë personale prej 2:32:56, por Cerny kishte diçka tjetër në mendje.
Kur Burzalova kaloi vijën më vonë me kohën e saj më të mirë të sezonit prej 3:02:47 në vendin e 28-të të garës për femra, ajo u surprizua kur gjeti Cerny-n të ulur në gjunjë me një unazë në dorë.
Burzalova e rraskapitur dhe e habitur tha po, por jo përpara se të ndalonte kohëmatësin në orën e saj.
Ata mund të mos kenë fituar asnjë medalje në garat e tyre përkatëse, por të dy do të shkojnë në shtëpi me një fitore të përbashkët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
