.png)
Gazeta Si – Janë luajtur sot edhe dy ndeshjet e tjera çerekfinale të Kupës së Shqipërisë. Vllaznia ka humbur 2-1 ndaj Erzenit, kurse Egnatia fitoi 0-1 në transfertë me Laçin.
Për Vllazninë komplikohet jo pak objektivi i Kupës së Shqipërisë. Shkodranët duhet të përmbysin gjithçka në ndeshjen e kthimit. Në stadiumin e Rrogozhinës Erzeni tregoi forcën, duke fituar 2-1. Asani kaloi ekipin e Bejzades në avantazh, Smajli barazoi shifrat afër fundit, por vetëm 2 minuta më pas Kacbufi ndëshkoi sërish Vllazninë.
Ndeshja e Laçit mes ekipit vendës dhe Egnatias që kryeson Superioren u vendos nga një gol i shënuar në kohën shtesë. Rrogozhinasit fituan një penallti, që Aleksi e ktheu në gol, duke i dhënë fitoren Egnatias. Me këtë rezultat Egnatia ka shanset më të mëdha për të kaluar në gjysmëfinale.
Të martën u luajtën dy ndeshjet e para çerekfinale, ku Teuta dhe Tirana barazuan 0-0 në Durrës, kurse Partizani fitoi 0-1 në Kukës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
