Gazeta Si – Të mërkurën do të mësohen 4 çiftet çerekfinaliste të Kupës së Shqipërisë. Në ambientet e ‘Shtëpisë së Futbollit’ do të hidhet shorti për 8 skuadrat e kualifikuara, që janë Tirana, Partizani, Vllaznia, Egnatia, Teuta, Laçi, Kukësi dhe Erzeni.
Shorti është i lirë, ndërkohë që skuadrat janë të ndara në dy vazo. Në vazon e parë bëjnë pjesë Partizani, Tirana, Egnatia dhe Vllaznia, kurse në vazon e dytë Laçi, Teuta, Kukësi dhe Erzeni.
Në fazën çerekfinale, ndryshe nga deri tani, kualifikimi vendoset nga dy ndeshje. Pra, kalohet në sistemin vajtje-ardhje, ku ndeshjet e para luhen në fushën e skuadrave të pozicionuara në vazon e dytë.
Kupa e Shqipërisë është rruga më e shkurtër që të çon në Kupat e Europës, ndaj dhe skuadrat që kanë ardhur deri këtu, synojnë t’i shkojnë deri në fund. Favorite për ta fituar trofeun janë 4 skuadrat e vazos së parë. Mbajtëse në fuqi e trofeut është Egnatia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
