.png)
Nga Gazeta ‘SI’ – Autoriteti i Mbikëqyrjes Financiare ka njoftuar qytetarët për një platformë investimi të palicencuar, ku ata rrezikojnë të humbasin investimet e tyre.
Platforma “NetherexPro” nuk është e licencuar për investime titujsh dhe kriptomonedhash, thekson AMF.
“Çdo investim në këto platforma mund të rezultojë me humbjen e të gjitha parave të investuara në mënyrë të pakthyeshme. Investitorët duhet të jenë të qartë se Autoriteti nuk mund të mbrojë interesat e tyre kur investojnë në subjekte apo platforma të palicencuara/regjistruara/njohura nga AMF”, thuhet në njoftim.
Ndër të tjera, AMF tregon se në vend nuk ka ende asnjë shoqëri që mund të ofrojë shërbime të lidhura me monedhat digjitale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
