.png)
Gazeta Si – Me rezultatin e arritur në dishezën e Kvitfjell, skiatorja amerikane e ka të sigurt suksesin. Kur kanë mbetur edhe 7 gara për t’u zhvilluar, ajo është e pakapshme.
Me vendin e 5-të që arriti në garën e fundit, Mikaela Shifrin ka siguruar matematikisht Kupën e 5-të të Botës. Janë edhe 7 gara të tjera, por ajo ka më shumë se 700 pikë avantazh nga ndjekëset më të afërta. Lara Gut është aktualisht 790 pikë prapa, kurse Petra Vlhova 817 pikë prapa.
🏆🏆🏆🏆🏆 Overall Titles ✅
— FIS Alpine (@fisalpine) March 4, 2023
for @MikaelaShiffrin 🇺🇸
(7 races ahead! 🤪) and it’s not over yet 😉 (watch the video to find the next goal out! ➡️)#fisalpine pic.twitter.com/Vw3ZFJYMTk
Shifrin barazon kështu Mark Girardelin për numrin e Kupave të Botës të fituara (5), ndërsa para saj janë vetëm Marsel Hirsher me 8 dhe Anemari Moser-Proel me 6.
Për sportisten amerikane është kurorëzimi i një sezoni të jashtëzakonshëm. Ajo ka arritur 11 fitore, si dhe 3 vende të dyta. Atyre u shtohen medalja e artë në sllallomin gjigant, si dhe të argjendtat në sllalollm dhe garën e kombinuar në Botërorin e Courchevel/Meribel.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
