.png)
46 operatorë të peshkimit janë përfitues të thirrjes së tretë të granteve të peshkimit me një shumë investimi mbi 820 mijë euro, e cila mbylli aplikimet në fund të qershorit.
Nga Porti i Shëngjinit, ku u firmosën disa kontrata të përfitimit të grantit, ministrja e bujqësisë Frida Krifca tha se ky tregues është një lajm i mirë i dëshirës së peshkatarëve për t’u rritur me investime në pajisje sigurie dhe eficence.
Krifca shtoi se do të ofrohen më shumë se 1.6 milion Euro për peshkatarët.
Në thirrjen e parë dhe të dytë janë mbështetur investimet e 55 operatorëve të tjerë të sektorit për investime si ndërtimi i frigoriferëve, pajisja e anijeve të tyre me instrumente elektronike, rrjeta selektive apo motorë dhe gjeneratorë të rinj.
Në këto dy faza aplikimi, janë investuar në sektor 700 mijë Euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
