.png)
Komisioni Qendror i Zgjedhje ka regjistruar koalicionin “Aleanca Liberale e Djathtë” në zgjedhjet vendore të 14 majit. Partitë janë: Balli Kombëtar Demokrat, Bashkimi Liberal Demokrat dhe Partia Bashkimi Demokrat.
Përfaqësuesi ligjori PD-së, Indrit Sefa kundërshtoi regjistrimin e koalicionit
Celibashi tha në mbledhjen e KQZ-së se kërkesa e koalicionit është në përputhje me parashikimin e Kolegjit Zgjedhor.
“Kërkesa është në përputhje me parashikimin e Kolegjit Zgjedhor. Në momentin që paraqitet kërkesa për regjistrimin e një koalicioni, e vetmja dispozitë që e rregullon është neni 65 i Kodit Zgjedhor dhe sipas tij, mundet të regjistrohen në KQZ si koalicion. Pra i vetmi kusht është që partitë që janë pjesë e koalicionit të jenë pjesë e KQZ dhe meqenëse këto parti janë të regjistruara si subjekte zgjedhore për t’u regjistruar si koalicion dhe nga vlerësimi që i bëjmë, kërkesa është në përputhje me parashikimet e KQZ ndaj vendosim që ta regjistrojmë koalicionin ‘Aleanca Liberale e Djathtë”, tha Kreu i KQZ-së.
Tre parti të djathta të këtij koalicioni janë regjistruar në KQZ me përfaqësues tre deputetë që në Kuvend rezultojnë si të pavarur, Edmond Spaho. Tritan Shehu dhe Luan Baci
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
