.png)
Kolegji i Posaçëm i Apelimit rrëzoi të martën vendimin e Komisionit të Pavarur të Kualifikimit duke rikthyer në detyrë prokurorin e Prokurorisë së Përgjithshme, Arqile Koça.
Në fillim të muajit mars të një viti më parë, KPK vendosi shkarkimin nga detyra të prokurorit, Arqile Koça, prokuror në Prokurorinë e Përgjithshme.
Ky vendim më tej u ankimua pranë Kolegjit të Posaçëm të Apelimit nga subjekti i rivlerësimit, dhe vetëm një vit më pas, KPA vep vendimin në favor të tij.
“Trupi gjykues i Kolegjit të Posaçëm të Apelimit, i përbërë nga Ardian Hajdari kryesues, Sokol Çomo relator, Albana Shtylla, Natasha Mulaj, Rezarta Schuetz, anëtarë, shpalli vendimin që i përket ankimit të paraqitur nga subjekti i rivlerësimit Arqile Koça.
Në përfundim të gjykimit, trupi gjykues, me shumicë votash, vendosi:
Ndryshimin e vendimit të Komisionit të Pavarur të Kualifikimit, që i përket subjektit të rivlerësimit Arqile Koça dhe konfirmimin e tij në detyrën e prokurorit pranë Prokurorisë së Përgjithshme.
Ky vendim është përfundimtar dhe ka efekt të menjëhershëm”, thuhet në njoftim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
