Ministria e Shëndetësisë e Kosovës ka njoftuar sot se ka formuar një grup pune që ka për qëllim hartimin e protokollit për përdorimin e plazmës së pacientëve të shëruar nga Covid-19 si trajtim për pacientët që ndodhen në gjendje të rënduar shëndetësore.
“Ky është një hap para për fuqizimin e menaxhimit dhe trajtimit gjithëpërfshirës të Covid-19. Presim brenda afateve të përcaktuara ligjore të fillojmë punën”, thuhet në një njoftim të Ministrisë së Shëndetësisë.
Shumë vende, përfshirë edhe Shqipërinëm po i trajtojnë pacientët me Covid-19 me plazmën e gjakut të pacientëve të shëruar nga kjo sëmundje.
Ky lloj trajtimi bëhet duke marrë plazmënnga pacientët e rikuperuar pas gjaku i tyre ka antitrupa që luftojnë virusi.
Transfuzioni i antitrupave krijon atë që njihet si “imuniteti pasiv” .
Megjithatë, Organizata Botërore e Shëndetësisë ka paralajmëruar për rrezikun lidhur me trajtimin me plazmën e gjakut, duke thënë se ky trajtim është i një “cilësie të dobët”.
Sipas shifrave të prezantuara nga Instituti Kombëtar i Shëndetësisë Publike, në Kosovë deri më 27 tetor, janë shëruar 15,198 të infektuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
