.png)
Nga Gazeta ‘SI’ – Autoriteti i Konkurrencës i ka rekomanduar Entit Rregullator të Ujit (ERRU), që të vendosë çmimet për ujësjellësin në bazë të kostos.
Specifikisht bëhet fjalë për ujësjellësin e Vlorës, që ka aplikuar pranë ERRU-së për çmimet e reja, por ende nuk është miratuar.
Aplikimi ështët shqyrtuar nga Konkurrenca e cila rekomandon që “që tarifat e ndryshuara, që do të miratohen nga ERRU për ndërmarrjen Ujësjellës Kanalizime Vlorë SHA, të jenë të orientuara drejt kostos së shërbimeve dhe të jenë të bazuara në parimin e mosdiskriminimit.”
Sipas informacionit të publikuar nga Enti Rregullator i Ujit, aktualisht tarifa që paguajnë klientët familjarë të ndërmarrjes së Ujësjellës-Kanalizimeve Vlorë, është 45 lekë për m3 në furnizimin me ujë të pijshëm dhe 15 lekë për m3 për shërbimin e largimit të ujërave të ndotura.
Deri tani, ERRU nuk ka publikuar vendim për miratimin e tarifave të reja të UK Vlorë, ndërsa nuk ka bërë publike as aplikimin me nivelin e propozuar të tarifave të reja nga ndërmarrja në fjalë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
