Të shtënat me armë zjarri të konstatuara mbrëmjen e 13 majit në bulevardin “Bajram Curri” kanë patur burim një konflikt mes të rinjsh, dyshohet për një vajzë.
Policia e Tiranës njofton se dy të rinj kanë tentuar të vrasin një të tretë, por fatmirësisht të shtënat nuk kanë qenë fatale për jetën e A.B. 25 vjeç, shënjestra e dy autorëve.
Policia ka shpallur në kërkim autorët e ngjarjes, dy të rinj 22 dhe 23 vjeç me iniciale A.GJ. dhe Xh.H., ndërkohë që ka arrestuar bashkëpunëtorin e tyre. 23 vjeçari me iniciale M.Gj. akuzohet për përkrahje të autorit të krimit, pasi largoi me makinën e tij nga vendi i ngjarjes dy të rinjtë. Policia ka shpallur në kërkim dy autorët, që akuzohen për vrasje me dashje e mbetur në tentativë e kryer në bashkëpunim dhe armëmbajtje pa leje.
25 vjeçari i dëmtuar u procedua në gjendje të lirë, pasi iu gjetën 0.8 gr kanabis.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
