Prokurorja e Krimeve të Rënda, Doloreza Musabelliu është konfirmuar në detyrë nga Komisioni i Pavarur i Kualifikimit.
Seanca është zhvilluar sot dhe prokurorja Musabelliu ka rezultuar e pastër në të tria kriteret e rivlerësimit.
Prokurorja e Krimeve të Rënda, Doloreza Musabelliu, njëherazi kandidate për në Prokurorinë e Posaçme, SPAK, u përball të hënën me Komisionin e Pavarur të Kualifikimit.
Musabelliu ka qenë një nga prokurorët e parë që para se të ngrihej miti i Emiliano Shullazit, ka kryer një hetim kundër tij dhe ka kërkuar dënim për trafik droge dhe armëmbajtje.
Aktualisht, ajo ka në dorë dosjen e Toyota Yaris, me miliona euro të sekuestruara në Durrës.
Ka qenë gjithashtu drejtuese e njësisë Task Forcë pranë Prokurorisë së Krimeve të Rënda dhe e ka lënë këtë detyrë në vitin 2017.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
