Nga Gazeta ‘SI’ – Tre raste të reja janë konfirmuar me virusin Ethet e Nilit, duke e çuar në pesë numrin e të prekurve në qarkun e Elbasanit.
Tre rastet e fundit janë konfirmuar konkretisht:
-Në Cerrik, një 84-vjeçar
-Në Paper një-73-vjeçar
-Në Tregan një 60-vjeçar
Te prekurit po ndiqen nga specialistë të ISHP, ku deri tani gjendja e tyre shëndetësore paraqitet pa rrezik për jetën.
LEXO EDHE:
– A kanë arritur Ethet e Nilit pikun në Europë? Në hartën e ECDC mungojnë të dhënat për Shqipërinë
– ‘Ethet e Nilit’ / Mbi 70 raste, 13 në spital. Shifrat më të larta se ato zyrtare. Pse institucionet në Shqipëri folën vetëm pasi Greqia zbuloi pacientin 0, një emigrant shqiptar i infektuar në vendlindje
Dy rastet e para në Elbasan u konfirmuan në fshatrat Gjergjan dhe Jagodinë. Aktualisht të dy të shëruar.
Aktualisht në vendin tonë gjatë javëve të fundit janë identifikuar raste kryesisht në Fier, Lushnje, Kurbin etj.
Raportimet më të fundit nga Qendra Spitalore ‘Nënë Tereza’ në Tiranë tregojnë për 39 raste të shtruara me simptomat e Etheve të Nilit.
Burime konfidenciale nga QSUT thanë për ‘Gazeta Si’ se rastet e shtruara paraqesin simptoma të rënda por jo në rrezik për jetën.
“Ajo çka vihet re është shtrirja gjeografike e rasteve të zyrtarizuara me Ethet e Nilit. Lushnja, Fieri e Berati raportojnë më shumë raste, por së fundmi kemi konstatuar 1 rast në Tiranë, Durrës, Shkodër. Pra s’mund të themi më, që Ethet e Nilit i përkasin vetëm pellgut të Myzeqesë’, thonë burimet për “Gazeta Si”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
