.png)
Nënkryetari i Kuvendit, Agron Gjekmarkaj dhe kryetarja e Komisionit të Shëndetësisë, Zheni Gjergji, ishin të vetmit deputetë të opozitës në mbledhjen e Konferencës së Kryetarëve.
Gjatë fjalës së tij, në Konferencën e Kryetarëve, Gjekmarkaj u shpreh se kjo nuk është një situatë normale, duke shtuar se opozita s’po kërkon asgjë të veçantë, por vetëm të drejtat që i përcakton Kushtetuta.
“Kjo nuk është një situatë normale, nuk është një mbledhje normale. Ju e shikoni, keni eksperiencë parlamentare. Opozita nuk po kërkon asgjë të veçantë, thjesht atë që na jep Kushtetuta. Po kërkon Komisionet Hetimore, po kërkon të jetë pjesë në hartimin e Reformës Zgjedhore, nuk mund të vendosni ju kush është opozita e Shqipërisë. Kanë vendosur shqiptarët, janë mandate të marra në një betejë shumë të fortë. Ne mandatet tona do t’i mbrojmë”, tha Gjekmarkaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
