.png)
Zjarrfikësi i Bashkisë së Tiranës, i akuzuar si drejtuesi dhe rekrutuesi i personave që transportonin kokainë në Gjermani dhe Zvicër, është lënë në burg.
Gjykata e Tiranës ka lënë në fuqi masën e sigurisë për 35-vjeçarin, Ndriçim Harka, i cili u arrestua 3 ditë më parë me urdhër të Prokurorisë së Tiranës.
Grupi i trafikut të drogës ishte aktiv që në vitin 2015 dhe është goditur pas përgjimeve dhe vëzhgimeve në terren të aktivitetit kriminal.
Kundrejt pagesave nga 1 mijë deri në 3500 euro, ata paguanin korrierët, ndërsa pak kohë më parë u është sekuestruar 3 kg kokainë në kufirin e Zvicrës.
Pikërisht te kapja e kësaj ngarkesë rezulton se korrieri ka një numër të lartë telefonatash me bosin shqiptar, që u identifikua nga numri i telefonit dorëzuar në aplikimin e kartës biometrike.
Në kërkim është shpallur edhe kunati i tij, Etmond Merja, i cili akuzohet se ishte organizator i trafikut të kokainës së bashku me Harkën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
