.png)
Nga Gazeta “SI”– Kishat gotike mbase janë ndërtesat që morën më së shumti kohë për t’u ndërtuar. Kjo jo vetëm për arsye se punimet janë të ndërlikuara por duke qënë se ato u ndërtuan gjatë periudhës së mesjetës, ishin luftërat e shumta që e ndërprenë punën e tyre disa herë, ndonjëherë dhe me shekuj. Me zhvillimin e shoqërisë civile moderne dhe urbanistikës, kishat u shndërruan në qendrat e jetës publike urbane.
Kishat gotike kryesisht përbëhen nga një strukturë e lartë dhe e hollë dhe në dizajn përdoren harqet kryqëzuese, kolonat, kupolat fluturuese dhe forca e strukturës së re të kornizës për të mbështetur majën, duke e bërë të gjithë ndërtesën të lartë dhe plot hapësirë. E kombinuar me dritaret e gjata të zbukuruara me xham të punuar me ngjyra, kisha krijon një atmosferë të fortë spirituale dhe fetare.
Kishat gotike zënë një vend të rëndësishëm në historinë e arkitekturës falë teknikës dhe detajeve artistike të shkëlqyera. Stili gotik i ndërtimit të kishave bazohej mbi hapësirën e madhe dhe të lartë, si një katarsis i fortë për njeriun besimtar i cili futej brenda tyre për të gjetur paqen shpirtërore të besimit. Prej shek. XI e deri në shekullin e XVIII kisha të shumta të stilit gotik u ndërtuan në Europë, por vetëm disa prej tyre mbeten dhe sot qëndra urbane dhe historike të vizituara nga miliona turistë 3do vit. Më poshtë rrështojmë dhjetë kishat më të rëndësishme të stilit gotik në Europë.
Katedralja e Chartres
Katedralja e Chartres ndodhet në një qytet të vogël pranë Parisit, Francë. Jo vetëm që është një nga shembujt më të shkëlqyer të kulmit të arkitekturës gotike franceze, por kjo kishë është ende e ruajtur shumë mirë deri në ditët e sotme. Shumica e dritareve origjinale me xham të punuar me ngjyra janë ende të paprekura; arkitektura e përgjithshme e kishës ka ndryshuar vetëm pak që nga shekulli i 13-të, duke ruajtur pothuajse pamjen e saj origjinale.
Santa Maria del Fiore
Ndërtimi i Katedrales së “Zonjes së Luleve” filloi në vitin 1296 dhe u përfundua zyrtarisht në vitin 1436, duke zgjatur 140 vjet. Ajo nuk është vetëm një kishë jashtëzakonisht e bukur, por edhe simboli dhe karta e identitetitare e qytetit të Firences. Fasada e Katedrales së “Santa Maria del Fiore” është unike , e përbërë nga mermer jeshil, rozë dhe i bardhë. Katedralja e Santa Maria del Fiore është jo vetëm një nga kishat më të mëdha në Itali, por deri në kohët moderne, madhësia e kupolës së saj ka qenë më e madhja në botë.
Katedralja e Këlnit
Katedralja e Këlnit është kisha gotike më e madhe në Gjermani dhe për shekuj me radhë ka qenë monumenti më i famshëm i qytetit të Këlnit. Dikur, ajo ishte ndërtesa më e lartë në botë dhe edhe sot, fasada e saj mbetet më e madhja në botë. Kjo katedrale e famshme është ndërtuar mbi vendin e një tempulli romak të shekullit të 4-të. Stili gotik i Katedrales së Këlnit filloi në vitin 1248 dhe ndërtimi i saj zgjati për më shumë se 600 vjet.
Notre Dame de Paris
Notre Dame de Paris është një kishë katolike e vendosur në lagjen e 4-të të Parisit. Ndërtimi i saj filloi në vitin 1163 dhe përfundoi pothuajse rreth vitit 1345. Si kisha gotike më e famshme në Francë, “Notre Dame de Paris” është një shembull i përkryer i arkitekturës gotike, me harqet e saj elegante dhe dritaret e mëdha me xham të punuar me ngjyra.
Gjatë Revolucionit Francez në vitet 1790, shumë prej skulpturave dhe thesareve të saj u dëmtuan ose u shkatërruan. Në vitin 2019 kupola e saj u shkatërrua e gjitha nga zjarri. Pas pesë viteve Katedralja u rihap sërish për besimtarët dhe publikun.
York Minster
York Minster është një nga dy katedralet gotike më të mëdha në Evropën Veriore (tjetra është Katedralja e Këlnit) dhe dominon pamjen e qytetit të lashtë të York-ut me madhështinë e saj spektakolare. Stili i “York Minster” përfshin tipare të dallueshme nga të gjitha fazat kryesore të zhvillimit të arkitekturës gotike në Angli. Ndërtimi i kishës filloi rreth vitit 1230 dhe vazhdoi deri në vitin 1472. Dritarja e Madhe Lindore e “York Minster” është xhami i punuar mesjetar më i madh në botë.
Katedralja e Seviljes
Katedralja e Seviljes është ndërtuar mbi vendin e Xhamisë Monhard dhe u ngrit për të përkujtuar rikuperimin e territoreve të humbura, si dhe për të dëshmuar fuqinë dhe pasurinë e Seviljes. Kur ndërtimi i saj u përfundua në shekullin e 16-të, Katedralja e Seviljes e tejkaloi Hagia Sofian dhe u bë kisha më e madhe në botë në atë kohë. Katedralja e Seviljes, huazoi shumë elementë të xhamisë ekzistuese duke i dhënë një karakter të ndryshëm nga katedralet e kohës.
Katedralja e Milanos
Katedralja e Milanos është një katedrale gotike madhështore , e vendosur në Piazza Milano, dhe është një nga ndërtesat më të famshme në Evropë. Në vitin 1386, ndërtimi i Katedrales së Milanos nisi nën drejtimin e Arqipeshkvit Antonio Saluzzo, dhe stili i saj i përket stilit të vonë gotik, me më shumë tipare franceze. Kjo katedrale e famshme botërore mori pesëqind vjet për t’u përfunduar.
Katedralja e Reimsit
Katedralja e Reimsit është jashtëzakonisht e shquar. Shumë monarkë francezë janë kurorëzuar zyrtarisht në këtë katedrale . Katedralja e Reimsit u përfundua në fund të shekullit të 13-të.
Katedralja e Burgosit
Katedralja e Burgosit është një katedrale mesjetare në Burgos, e dedikuar Zonjës së Shën Marisë. Kisha është e njohur për madhësinë e saj të jashtëzakonshme dhe stilin unik gotik. Ndërtimi i Katedrales së Burgosit filloi në vitin 1221, dhe pas dy shekujsh pauzë, ndërtimi vazhdoi deri sa u përfundua në vitin 1567.
Katedralja e Shën Stefanit
Katedralja e Shën Stefanit ndodhet në qendër të Vjenës dhe është një simbol i lirisë së Vjenës. Kisha i ka mbijetuar disa luftërave dhe ka qëndruar e fortë për shumë shekuj. Para se të ndërtohej Bazilika e “Shën Stefanit”, ishin dy kisha të mëparshme në këtë vend. Në shekullin e 14-të, Dukë Rudolf IV i Austrisë nisi ndërtimin e Katedrales së “Shën Stefanit”. Tipari më i famshëm i saj është çatia me pllaka të modeluara si diamante. Këto pllaka të ve3anta në formë u shtuan në vitin 1952.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
