Këshilli i Europës është shprehur i shqetësuar në lidhje me vendimin e opozitës shqiptare për t’u tërhequr nga Parlamenti.
Përmes një deklarate të shpërndarë edhe në faqen zyrtare të këtij Këshilli, Sekretari i Përgjithshem i KiE, Thorbjorn Jagland kërkoi që debati të zhvillohet në Parlament.
“Në një demokraci legjislatori është shkalla e parë ku çështjet politike që prekin të gjithë vendin duhet të debatohen dhe ku duhet të kërkohen zgjidhjet. Opozita shqiptare nuk duhet të braktisë parlamentin”, thotë Jagland.
Këshilli kërkon nga të gjitha palët që të vetëpërmbahen dhe t’u largohen retorikave të dhunshme.
“E drejta e tubimit dhe e demonstrimit duhet të ushtrohet në mënyrë paqësore”, thuhet në deklaratë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
