Nuk ka paqe për Novak Djokovic, pas organizimit të Adria Tour që ka shkaktuar shpërthimin e koronavirusit. Pas polemikave, tani është radha e kërcënimeve me vdekje. Në një ndërtesë në një rrugë të Splitit, në Kroaci, është shfaqur mesazhi shqetësues, i shkruar me një spray blu: “Është dëshira jonë që ti të vdesësh për këtë (Covid). Përshëndetje nga Spliti. Vdis, Zot. Vdis, Djokovic”. Autoritetet lokale kanë fshirë menjëherë parullën e policia ka hapur një hetim.
Këto janë ditë vërtetë të vështira për tenistin numër 1 në botë. I kritikuar nga kolegët e media, i fyer në rrjetet sociale e tani i kërcënuar me vdekje. Adria Tour, seria e turneve të organizuar në Ballkan me qëllim bamirësie, lindi me qëllimet më të mirë por shpejt u transformua në një vatër autentike për shkak të mungesës së garancive minimale të sigurisë shëndetësore kundër koronavirus, si maskat apo distancimi social.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
