.png)
Nga Gazeta ‘SI’- Do të mjaftojnë vetëm 3 ditë për t’u pajisur me një kartë identiteti dhe jo më 14, ka njoftuar ministria e Brendshme në vend.
Kompania shtetërore e dokumenteve biometrike, IdentiTek, ka njoftuar se për një kosto 3 mijë lekë, shqiptarët mund të marrin brenda 3 ditësh nga dita e aplikimit, kartën e identitetit.
“Falë këtij shërbimi, përmes një pagese prej 3 mijë lekësh, çdo qytetar mund të pajiset me letërnjoftim elektronik brenda 3 ditësh. Shërbimi është krijuar për të lehtësuar dhe përshpejtuar procesin e aplikimit, duke u ardhur në ndihmë qytetarëve që kanë nevojë urgjente për dokumentin e tyre të identifikimit. Procedura e përshpejtuar është veçanërisht e dobishme për emigrantët, të cilët qëndrojnë për pak ditë në Shqipëri, si edhe për të gjithë ata që kanë nevojë të marrin shpejt kartën e tyre të identitetit, qoftë për arsye personale, profesionale apo administrative”, njofton Ministria.
Më 1 gusht 2023 ishte fundi i koncesionarit ALEAT, prodhuesit të dokumentave biometrike në vend, duke ia kaluar këtë proces shtetit. Identitek funksionon si një kompani shtetërore, financuar nga buxheti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
