.png)
Policia Kufitare ka arrestuar në flagrancë një shtetas grek, i cili tentoi të trafikonte për në shtetin fqinj një sasi të konsiderueshme municioni luftarak.
Atij i janë sekuestruar në cilësinë e provës materiale rreth 800 fishekë gjatë kontrollit të imtësishëm ndaj automjetit që drejtohej nga shtetasi grek E. F., 49 vjeç, banues në Janinë.
Gjatë kontrollit në pjesën e brendshme të mjetit, policia ka gjetur një arkë metalike të mbështjellë me rroba dhe një qese plastike, brenda të cilës kishte rreth 800 fishekë të kalibrit 7.62 mm. Fishekët u sekuestruan në cilësinë e provës materiale.
Veprimet hetimore dhe procedurale të mëtejshme u kryen nga specialistët e Seksionit për Hetimin e Trafiqeve në Drejtorinë Vendore të Policisë Gjirokastër, të cilët bënë arrestimin në flagrancë të shtetasit grek E. F., për veprën penale “Trafikimi i armëve dhe municionit”, parashikuar nga neni 278/a i Kodit Penal.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
