Nga Gazeta ‘SI’ – Dy persona në Tepelenë janë vënë në pranga për shitje kanabisi në ambjentet e lokalit të tyre.
Sipas policisë, 35-vjeçari A.Ç siguronte kanabisin me qëllim shitjen dhe 39-vjeçari H.R i cili ishte pronari i lokalit në fshatin Krahas 1 e shiste, po në të njëjtin lokal. Të dy bashkëpunëtorët u arrestuan.
Gjatë kontrolleve në banesën e 35-vjeçarit A. Ç., u gjet dhe një sasi farash kanabisi që posedoheshin me qëllim shitjen. Hetimet zbuluan se një 39-vjeçar tjetër ishte bashkëpunëtor me të dy autorët, i cili u shpall në kërkim dhe po punohet për kapjen e tij.
Gjithashtu janë sekuestruar 6 kg lëndë narkotike cannabis (një pjesë në doza), një sasi farash cannabisi dhe 2 celularë
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
