Gazeta Si – Në ‘Allianz Stadium’, skuadra e Alegrit nuk mundi ta çajë murin e Xhenoas. Gjatë pjesës së dytë Iling dhe Kean goditën shtyllën, ndërsa në fund Vlahoviç u ndëshkua me karton të kuq.
Juventusi nuk arrin të bëjë kthesën dhe vazhdon me hap të ngadaltë në zonën Champions. Për javën e 29-të të Serisë A, bardhezinjntë nuk shkuan më shumë se një 0-0 ndaj Xhenoas dhe shohin Bolonjën të afrohet në renditje.
Shumë gabime gjatë pjesës së parë, shumë pak cilësi në fushë dhe rezultat i bllokuar. Gjatë pjesës së dytë Alegri provoi ta ndryshonte rrjedhën e lojës me ndërrimet e bëra, por të tijtë u ndalën nga shtyllat, që i mohuan golin Iling Junior dhe Kean. Në shtesë Vlahoviç u ndëshkua me karton të kuq për protesta. Juventusi ka 59 pikë aktualisht në renditje dhe nuk fiton prej tri javësh.
Milani fitoi 1-3 në fushën e Veronës dhe renditet i dyti, 3 pikë para Juventusit. Ishte fitorja e tretë radhazi për skuadrën e Piolit në kampionat.
Interi nuk shkoi më shumë se barazimi 1-1 ndaj Napolit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
