Gazeta Si – Një tjetër ndeshje perfekte për italianin, që mund bullgarin 6-3, 6-1 dhe parakalon Karlos Alkaraz në renditje botërore. Tani objektivi është numri 1 në botë, pozicion që mbahet nga Novak Gjokoviç.
Dimitrov, i cili vinte pas dy ndeshjesh të mëdha, pasi kishte eliminuar Alkaraz në çerekfinale dhe Zverev në gjysmëfinale, e nisi finalen me siguri në lojë. Siner çedoi pak në fillim, por më pas italiani e kaloi rrezikun. Rezistenca e Dimitrov zgjat pak dhe Janik e mbyll setin e parë 6-3 pas 42 minutash.
Në setin e dytë italiani ndryshon marsh dhe fitorja duket një formalitet. Një tjetër sukses për tenistin e ri, që tani sheh përpara dhe ëndërron të kalojë Gjokoviçin për të marrë fronin e renditjes botërore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
