.png)
Gazeta Si – Izraeli tha se sulmoi tre aeroporte të Teheranit me intensitet të madh: Mehrabad, Bahram dhe Azmayesh.
Më i rëndësishmi nga këto, është Aeroporti Mehrabad, i cili është më i ngarkuari i Iranit, edhe pse përballon vetëm fluturime vendase (fluturimet ndërkombëtare kalojnë nëpër Aeroportin Imam Khomeini, i ndërtuar në vitin 2007).
Ai ishte goditur disa herë ditët e fundit. Izraeli tha se goditi infrastrukturë të shumta të përdorura nga ushtria iraniane, si dhe aeroplanë dhe helikopterë.
Ndërsa të dielën, Izraeli vrau gjatë një bombardimi Pierre Mouawad, një udhëheqës të lartë të Forcave Libaneze, një parti politike e krishterë historikisht kundër Hezbollahut, milicisë libaneze aleate me Iranin.
Duke folur për BBC-në, një zëdhënës i ushtrisë izraelite pranoi se Mouawad u vra gabimisht: sulmi kishte në shënjestër një udhëheqës të Hezbollahut.
Bombardimi goditi një ndërtesë apartamentesh në Ain Saadeh, një komunitet kryesisht i krishterë në lindje të kryeqytetit Bejrut.
Mouawad sapo kishte mbaruar së festuari Pashkët me familjen e tij. Sipas autoriteteve libaneze, sulmi vrau një burrë dhe dy gra: burri ishte Mouawad, një nga dy gratë ishte gruaja e tij, Flavia, ndërsa identiteti i gruas së dytë është i panjohur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje