.png)
Nga Gazeta ‘Si’ – Ministri izraelit i Mbrojtjespranoi për herë të parë se Izraeli vrau liderin politik të Hamasit Ismail Haniyeh në Teheran në muajin korrik.
Israel Katz i bëri komentet në një fjalim, gjatë së cilit u zotua së tashmë në objektivin e tij ishin futur dhe liderët e lëvizjes houthi në Jemen, të cilët po ashtu mbështeten nga Irani.
Haniyeh u vra në një ndërtesë teksa po qëndronte në kryeqytetin iranian në një sulm që i atribuohet gjerësisht Izraelit.
62 vjeçari konsiderohej gjerësisht lideri i përgjithshëm i Hamasit dhe luajti një rol kyç në negociatat që synonin arritjen e një armëpushimi në Rripin e Gazës.
Pas vrasjes së tij, Hamasi emëroi Jahya Sinwar, një nga arkitektët kryesorë të sulmeve të 7 tetorit, si udhëheqësin e grupit.
Ndërkohë, kryeministri izraelit Benjamin Netanyahu në një reagim për mediat zbuloi se është arritur përparim drejt arritjes së marrëveshjes për një armëpushim në Gaza me Hamasin, por nuk dha një afat të qartë se kur luftimet do të përfundojnë
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
