.png)
Izraeli ka njoftuar se do mund të nisë në çdo moment sulmet ushtarake tokësore përtej kufirit të Libanit.
Mediat ndërkombëtare raportojnë se Izraeli ka njoftuar Uashingtonin për nisjen e luftimeve tokësore në Liban teksa ka dhënë lajmërimin për evakuim të banorëve.
“Izraeli po planifikon një operacion të kufizuar tokësor në Liban që mund të fillojë menjëherë, i ka thënë Izraeli Uashingtonit”.
“Ne jemi informuar për një sërë operacionesh. Deri më tani, na është thënë se këto janë operacione të kufizuara, të përqendruara në infrastrukturën e Hezbollahut pranë kufirit, por diskutimet për këtë çështje janë në vazhdim”, u tha gazetarëve Mattheë Miller, një zëdhënës i Departamentit të Shtetit të SHBA.
Izraeli më herët informoi SHBA-në se po planifikonte një operacion tokësor në shkallë të kufizuar në Liban që mund të fillonte menjëherë, tha një zyrtar amerikan për Washington Post.
Operacioni do të fokusohet në pastrimin e infrastrukturës ushtarake përgjatë kufirit për të eliminuar kërcënimin ndaj komuniteteve kufitare izraelite, tha zyrtari, duke folur në kushte anonimiteti.
Ndërkohë, ministri i Mbrojtjes Yoav Gallad tha në një diskutim me kryetarët e zonave në kufirin verior të Izraelit se “faza tjetër e luftës kundër Hezbollahut do të fillojë së shpejti, do të jetë një faktor i rëndësishëm në ndryshimin e situatës së sigurisë dhe do të na lejojë të përfundojmë pjesë e rëndësishme e objektivave të luftës: kthimi i banorëve në shtëpitë e tyre.”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
