Nga Stambolli në Beograd nuk ndryshon asgjë për specialistin Izmir Smajlaj. Atleti shkodran ka marrë një tjetër medalje ari, e treta kjo për këtë vit. Smajlaj, pavarësisht atmosferës së ftohtë të publikut serb, ia doli të zinte vendin e parë dhe të shpallej kampion në Beograd, në mitingun ndërkombëtar të sallave të mbyllura.
Atleti i kërcimit së gjati kërceu 7.91 m, duke marrë medaljen e artë. Sportisti shqiptar nuk u duartrokit asnjëherë nga të pranishmit në sallë, por kjo gjë nuk e pengoi Smajlajn të arrinte objektivin. Vetëm pak ditë më parë ai kishte bërë të njëjtën gjë në Ballkaniadën e Stambollit.
Franko Burraj, atleti tjetër shqiptar pjesëmarrës në mitingun e Beogradit, mori medalje të argjendtë në garën e 400 metrave, ku regjistroi kohën 47:45. Burrajt i shpëtoi medalja e artë për fare pak. Gjithsesi, këto janë rezultate shumë të mira të atletikës shqiptare në këtë fillim të 2021-shit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
