Ivanka Trump, ka folur për herë të parë për projektin e shumëpërfolur të bashkëshortit të saj në Sazan.
Për podkastin e Lex Friedman, e bija e ish-presidentit Trump tha se ka qëndruar larg jetës politike për shkak të këtij projekti dhe se i është dedikuar tërësisht biznesit në Shqipëri.
“Tani për tani, unë jam duke punuar me burrin tim” tha Trump në një intervistë në podcast të Lex Friedman. “Ne kemi këtë ishull prej 1.400 hektarësh në Mesdhe dhe po sjellim arkitektët më të mirë dhe markat më të mira nga e gjithë bota.”
LEXO EDHE:
– New York Times: Qeveria shqiptare ndryshoi ligjin e ndërtimit në zona të mbrojtura në favor të Kushner
– New York Times: Sauditët, Grenell, Kastrati… Kush është pas investimit të dhëndrit të Donald Trump në Shqipëri
– Ç’fitojmë me Sazanin? Pse s’u shpall tender ndërkombëtar? Rama: Jemi te shqyrtimi, do negociojmë pjesëmarrjen e shtetit në investim
Resorti i Ivanka dhe Kushner do të drejtohet nga marka ultra luksoze Aman e Vlad Doronin. Hoteli do të ketë gjithashtu markën e njohur të ushqimeve, Carbone.
“Aman do të operojë hotelin për ne, dhe ato do të jenë vila, dhe ne kemi Carbone, i cili do të bëjë ushqimin dhe pijet,” shtoi Ivanka. “Por është e mahnitshme të bashkosh të gjithë këtë talent. Dhe po ashtu që unë të jem në gjendje të bëj sërish biznes në fushën e pasurive të paluajtshme dhe të argëtohem me të.”
Ivanka ka punuar më parë për babanë e saj në Shtëpinë e Bardhë. Megjithatë, këtë herë ajo nuk është më në linjën e parë të fushatës së tij politike. Ajo nuk ishte prezente gjatë gjyqit të Trump dhe gjithashtu kur ish presidenti amerikan u përball me Joe Biden gjatë debatit të parë presidencial të vitit 2024, javën e kaluar.
Sa i përket hotelit të tyre të ardhshëm, 42-vjeçarja tha se do të “nderonte topografinë” e zonës.
Ajo gjithashtu dha një pasqyrë se si do të dukej hoteli. Ivanka tha se vizatimet konceptuale ishin “shumë moderne, por duke e bërë atë të ndihet e drejtë për sa i përket kontekstit të bimësisë dhe terrenit që ekziston.” Kur bëhet fjalë për materialet, ajo thotë se do të përdorin xham për të nxjerrë në pah pamjen e detit.
“Natyrisht që dëshiron xham. Kur je aty dëshiron të shikokësh atë det të mrekullueshëm blu, por si ta bëni këtë në një mënyrë që nuk duket e zakonshme dhe nuk është një mundësi e humbur për të krijuar diçka të re,” shtoi ajo.
Në resortet ndërkombëtare Aman, nnjë natë nis nga 1.4 mijë dollarë në hotel dhe 50.000 dollarë në vila. /PageSix
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
