Italia gjen qetësi nga Covid-19

Ndërkohë që Ballkani ka regjistruar një rritje dramatike të rasteve të reja, Italia që ishte muaj më parë vatra më e nxehë e shpërthimit të koronavirusit në Europë, duket se e ka vendosur tanimë situatën nën kontroll. Të hënën, Italia ka regjistruar 114 raste të reja me Covid-19, më pak se Shqipëria e cila shënoi 117 të prekur brenda 24 orëve. Megjithatë, shkalla e vdekshmërisë në vendin fqinj vazhdon të jetë e lartë, me më shumë se 20 viktima në 24 orët e fundit.

Italia ka bilancin më tragjik në Europë pas Britanisë së Madhe, me 34.984 viktima dhe 243.344 të infektuar. Megjithëse, numri i rasteve të reja erdhi duke u ulur në fund të majit, vendi fqinj ka parë një rritje të lehtë të rasteve të reja, pas hapjes totale të ekonomisë, por edhe kufijve për turistët. Deri më tani, qeveria e Xhuzepe Kontes, parashikon që situata të vazhdojë me këto ritme deri në fund të verës, për aq kohë sa qytetarët mbajnë maska dhe respektojnë masat e distancimit fizik.

Ndërkohë që rastet e reja erdhë duke u zvogëluar, heqja e masave të bllokimit në fillim të majit, ngriti alarmin se frikën se heqja e kufizimeve do të rriste kurbën e infeksionit. Por edhe pse vendi fqinj regjistron më shumë se 100 raste të reja çdo ditë, ekspertët thonë se situata është nën kontroll dhe se Italia e ka lënë tanimë më të keqen pas krahëve. Në krahasim me vendet e Ballkanit, Italia ka pasur përgjatë javëve të fundit më pak të infektuar se Serbia, e cila ka shënuar gati 300 raste të reja çdo ditë. Ndryshimi është në përgjithësi në rajon, numri i të infektuarve gjatë karantinës ishte më i ulët nga sa është tani.

Giuseppe Remuzzi, një ekspert dhe drejtori i Institutit “Mario Negri” për kërkime farmakologjike, është në mesin e 10 ekspertëve që realizuan një studim në fund të qershorit, në të cilin u zbulua se Italia kishte parë një rënie të dukshme të të infektuarve me simptoma nga Covid-19.

“Vetëm ata që janë pozitivë duhet të izolohen – tha ai – duke shtuar se masat parandaluese si distanca sociale, përdorimi i maskave të fytyrës dhe larja e duarve ishin të mjaftueshme për të frenuar virusin”.

Një seri shpërthimesh të vogla lokale kanë ardhur pas mbërritjes së turistëve të huaj nga vendet e Europës Lindore. Përgjatë dy javëve të fundit, vendi fqinj ka shënuar për 5 ditë radhazi të paktën 150 raste të reja, por këto shifra janë të pakrahasueshme me tre muaj më parë, kur Italia pa të paktën 4,000 raste të reja në ditë. Por, sipas mediave italiane, këto shpërthime e kanë origjinën nga turistët ose udhëtarët.

Në fillim të javës, Italia mbylli në mënyrë të njëanshme kufijtë e saj për qytetarët nga 13 vende duke përfshirë Armeninë, Bangladeshin dhe Brazilin, ku të prekurit nga koronavirusi janë në rritje. Sipas gazetës “Il Messaggero”, rihapja e kufijve të Italisë për udhëtarët evropianë duke filluar nga 3 qershori ka rezultuar në të paktën 1000 raste të reja të koronavirusit në shkallë vendi. Në disa pjesë të vendit, veçanërisht rajoni jugor i Pulias, të vetmet raste aktive janë nga udhëtarët e huaj.

Por problemet e reja nuk kufizohen vetëm në ardhjet e të huajve.

Rajoni qendror italian i Emilia-Romagna që përfshin qytetin e Bolonjës regjistroi 71 raste të reja në 24 orët e fundit, shumica e lidhur me një qendër biznesi. Lazio, rajoni që përfshin kryeqytetin italian, raportoi 20 raste të reja të dielën, kryesisht në periferi të qytetit.

Lombardia, rajoni që përfshin Milanon, mbeti rajoni më i goditur me 77 raste të reja të raportuara të dielën. Lombardia, e cila përfshin rreth një të gjashtën e popullsisë së përgjithshme të Italisë, ka gati 50 për qind të numrit të përgjithshëm të vdekjeve të koronavirusit në vend dhe rreth 40 për qind të të infektuarve.

Por pavarësisht problemeve të fundit, virusi është kryesisht nën kontroll në Itali, pasi vendi fqinj nuk ka parë më shumë se 30 vdekje në një ditë në gati një muaj.

Që nga fillimi i pandemisë, sistemi italian i kujdesit shëndetësor ka dyfishuar njësitë e kujdesit shëndetësor dhe ka punësuar mbi 27,000 staf mjekësor. Qeveria ka investuar më shumë në sistemin e kujdesit shëndetësor publik në pesë muajt e fundit sesa kishte gjatë pesë viteve të fundit, tha një zëdhënës i ministrisë së shëndetësisë.

Frikë për valën e dytë

Por, shkencëtarët paralajmërojnë, nuk është ende e qartë nëse Italia është e përgatitur për mundësinë e një valë të dytë të dhunshme gjatë vjeshtës.

“Unë nuk e di nëse ky sistem është në gjendje t’i rezistojë shpërthimeve të shumta dhe rifillimit të transmetimit të virusit. Askush nuk mund ta parashikojë, “tha Andrea Crisanti, një profesor i biologjisë molekulare në Imperial College London, i cili po ndihmon rajonin e Venetos të frenojë epideminë përmes testimeve agresive dhe gjurmimeve të kontaktit.

Duke ecur nëpër Milano, kryeqytetin e Lombardisë, epiqendra e epidemisë italiane, njerëzit që mbajnë maska dhe respektojnë distancimin shoqëror përbëjnë shumicën, edhe pse qeveria po bën të pamundurën të portretizojë një verë normale. Baret dhe parqet janë rihapur; ka trafik në rrugë; dhe turistët janë kthyer me kohë në monumentet ikonike të qytetit. Por pyetja e të gjithëve është se sa do të zgjasë pushimi i verës

“Ekziston një rrezik i madh që shpërthimet alarmante të rasteve të reja do të fillojnë përsëri,” tha Crisanti. “Kjo për mua duket më shumë si një e gjë e sigurit, sesa një rrezik. Fakti që gjithmonë ka raste të reja, madje asimptomatike, do të thotë që transmetimi i virusit po vazhdon, duke rritur rrezikun e fuqizimit të epidemisë”.

Për shkencëtarët si Crisanti, qytete si Milano nuk kanë zgjidhje tjetër përveç se të kthehen sa më shpejt në një pamje të jetës normale.

Përndryshe, “ne nuk do ta ndihmojmë ekonominë, veçanërisht në Lombardi, e cila është lokomotiva për të gjithë Italinë, dhe atëherë do të kemi probleme më të mëdha se virusi që janë për shkak të varfërisë dhe konflikteve sociale,” thotë ai.

Politikët si kryebashkiaku i Milonis Giuseppe Sala pajtohen. Kohët e fundit ai kërkoi që qytetarët të kthehen në punë, dhe t’u rikthehen aktiviteteve të tjera normale.

“Situata është plotësisht nën kontroll nga pikëpamja shëndetësore,”deklaroi ai edhe pse pranoi që situata “nuk mund të jetë e njëjtë në të ardhmen”.

Është pikërisht ky rrezik ai që thekson nevojën për të pasur një udhëheqje sa më normal që të jetë e mundur këtë verë.

“Nëse rastësisht u kthyem në një bllokim në tetor, me të vërtetë mund të imagjinoni se ne mund të mbyllemi për një vit?” pyet ai. “Cilat lloje të rreziqeve nga pikëpamja sociale dhe ekonomike do të shkaktonin kjo?”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.