Italia ka miratuar sot dënime të rrepta të reja për të frenuar përhapjen e koronavirusit në vendin, përfshirë edhe burgosjen për njerëzit që shkelin karantinën.
Qeveria italiane deklaroi mëngjesin e të mërkurës se:
Ata që kanë testuar pozitiv dhe nuk qëndrojnë në shtëpi, mund të përballen me një deri në pesë vjet burg.
Gjobat për shkeljen e karantinës rriten nga 400 euro në 3,000 euro.
Bizneset që thyejnë rregullat për të parandaluar përhapjen e virusit mund të mbyllen nga pesë deri në 30 ditë.
Rregulloret do të rishikohen çdo muaj deri më 31 korrik, dhe mund të bëhen më të rrepta, thuhet në dekretin e qeverisë.
Italia, epiqendra e re e virusit, ka regjistruar afro 70,000 të infektuar dhe pothuajse 7,000 viktima.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
