Drejtuesi i një automjeti Fiat “Panda”, i cili po udhëtonte me një divan mbi makinë, mbi të cilin ishte shtrirë një person, është ndaluar dhe gjobitur nga policia. Videoja u bë virale në vetëm pak orë duke ngjallur reagime të shumta, teksa disa e shikonin si diçka qesharake ndërsa të tjerë shprehnin shqetësimin për sigurinë në rrugë.
Ngjarja u shënua në unazën e Catanias. Agjentët e policisë arritën të identifikonin targën e makinës dhe drejtuesin 41 vjeçar. Ai ishte së bashku me një shok, të cilët pasi kanë marrë një divan tek një i njohur që ka dashur ta hedhë, e kanë vendosur sipër makinës për ta marrë në shtëpi.
Edhe pse u justifikua duke thënë se nuk e kishte kuptuar se po transportonte një të ri të shtrirë në divan, shoferi u gjobit me një shumë prej qindra eurosh dhe zbritje pikësh nga patenta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
