Një shqiptar është arrestuar nga policia italiane e Monzës, pasi në makinë i janë gjetur disa çanta firmato me vlerë shumë të shtrenjtë.
Shqiptari i ndaluar, me iniciale X.N., me precedentë të mëparshëm penalë, është ndaluar në bordin e një makine të vjedhur me çantat luksoze po ashtu të vjedhura.
Ai është pikasur nga një kamera sigurie në kryqëzimin e një rruge, ku policia ka diktuar targën e automjetit “Fiat Idea”.
Ndërsa bashkëpunëtorët që ndodheshin në bordin e mjetit u larguan në këmbë, karabinierët arritën të ndjekin dhe të ndalojnë 25-vjeçarin shqiptar.
Në bordin e automjetit u gjetën dy çanta për femra “Louis Vuitton”, tre çanta “Hermes” dhe një çantë “Dolce Gabbana”.
Makina ishte vjedhur 23 marsin e kaluar në San Donato Milanese. 25-vjeçari është arrestuar dhe është transferuar në burgun e Monzas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
