Një grua shqiptare i ka vënë flakën vetes në një gjykatë në Rimini të Italisë, pas zhvillimit të një procesi gjyqësor.
Shkak i kësaj ngjarjeje ka qenë pretendimi i saj se nuk po merrte drejtësi. Zemërimi dhe dëshpërimi e shtynë drejt aktit ekstrem.
Sipas mediave italiane, shqiptarja tha se ishte përballur me padrejtësi në gjykatë për më shumë se 10 vjet. Kur mëngjesin e sotëm, arriti në katin e parë të ndërtesës dhe filloi të bërtiste me dëshpërim.
“Në Itali ligji nuk funksionon, kjo është e mjaftueshme, nuk mund të vazhdoj më kështu”, – ka thënë midis të tjerash gruaja dhe pas kësaj, ka ndërmarrë aktin ekstrem.
Pas nxjerrjes së një çakmaku nga çanta, shqiptarja i vurri flakën xhaketës së saj me një material sintetik, e cila u përfshi menjëherë nga zjarri.
Ajo është një grua 58-vjeçare, ndërsa ka qenë ndërhyrja në kohë e një avokati që ka parandaluar fundin tragjik.
“Dëgjova një grua duke bërtitur dhe u nxita për të parë se çfarë po ndodhte. Para meje ishte zonja që bërtiste se ajo ishte një viktimë e padrejtësisë”, tha avokati, i cili tha se gruaja bërtiste “e vetmja mënyrë për të pasur drejtësi është vdekja”.
Një ambulancë dhe zjarrfikësja shkuan në vendngjarje, duke ndihmuar të lënduarën, e cila pësoi djegie të shkallës së parë në pjesën e sipërme të trupit. Gruaja u dërgua më pas në spital “Infermi” në Rimini dhe është jashtë rrezikut për jetën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
