Policia e Vlorës ka vënë në pranga një 25-vjeçar, i cili ishte në kërkim. Bëhet fjalë për K.D, banues në Vlorë, i dënuar me 3 vite burg.
Arrestimi i tij ka ardhur pasi ky shtetas ka qenë shpallur në kërkim për veprën penale “Prodhimi dhe mbajtja pa leje e armëve luftarake dhe municioneve”, për të cilën Gjykata e Shkallës së Parë Vlorë, e ka dënuar me 3 vite burg.
Policia thotë se ngjarja ka ndodhur më 20 mars 2017, ku në lagjen “Ujë i Ftohtë” Vlorë, 25-vjeçari dyshohet të ketë kanosur me armë zjarri kushëririn e tij për motive pronësie.
Materialet iu referuan Prokurorisë së Vlorës për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
