Infektohet me Covid-19 shefja e Epidemiologjisë në Institutin e Shëndetit Publik, Silva Bino.
Mësohet se shefja e Epidemiologjisë, Bino është shtruar prej disa ditësh në spital e Infektivit, ndërsa gjendja e saj paraqitet e stabilizuar.
Ministrja e Shëndetësisë, Ogerta Manastirliu reagon pas infektimit me koronavirus të shefes së Departamentit të Epidemiologjisë në Institutin e Shëndetit Publik, Silva Bino.
Ndërsa i uron shërim të shpejtë, Manastirliu shkruan se gjendja e saj sipas mjekëve është e stabilizuar.
“I uroj shërim të shpejtë prof. Silva Binos, që po trajtohet me kujdes e profesionalizëm nga kolegët e saj në spitalin infektiv në QSUT.
Mjekët konfirmojnë se gjendja e saj është e stabilizuar.
Dr. Bino të presim të na bashkohesh sa më parë. #Bashkë”, shkruan ministrja e Shëndetësisë, Ogerta Manastirliu.
Situata me koronavirusin vijon të jetë e rëndë në vendin tonë, ku çdo ditë raportohen më shumë se 100 të infektuar. Pjesë e kësaj beteje kanë qenë edhe mjekët, ku disa prej tyre kanë humbur dhe jetën.
Ditën e djeshme u regjistruan 106 raste të reja me koronavirus, ndërsa humbën jetën 2 qytetarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
