.png)
Nga Gazeta ‘SI’- Indeksi Global i Urisë për vitin 2024 tregon se gjendja në Shqipëri është përkeqësuar nga viti 2023.
Shqipëria mban vendin e 47-të nga 127 shtete dhe vlerësohet me 7.9 pikë, ndërsa një vit më parë vlerësohej me 6.1 pikë. Rritja e pikëve përkthehet në rritje të gjendjes së urisë. Gjithsesi raporti vlerëson se gjendja bëhet serioze kur norma e urisë arrin në 20.
Shtetet e rajonit renditet ndër 20 vendet e para me Bosnjën që kryeson në vend të dytë.
Raporti thekson se për Shqipërinë shqetësuese është pasiguria ushqimore që është rritur vitet e fundit, si dhe kequshqyerja e fëmijëve.
Indeksi bazohet në 4 indikatorë për të nxjerrë rezultatet; mungesa e ushqimit, kequshqyerja, mungesa e zhvillimit tek fëmijët për shkak të kequshqyerjes, vdekja e hershme e fëmijëve.
Sipas indeksit janë 42 vende në botë që janë përballen me nivele alarmante të urisë, si Madagaskari, Somalia, Sudani i Jugut, Nepali, etj. Nga viti 2016 në vitin 2024, raporti thotë se është bërë shumë pak progres për të luftuar urinë, ndërsa luftërat e vazhdueshme e kanë shtuar atë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
