.png)
Të shijuarit ushqimin klasik të Italisë është bërë shumë më e shtrenjtë me kostot mesatare të një pica Margerita të rritura deri në 30% nga dhjetori i shkuar.
Kjo tejkalon dhe normën e inflacionit të muajit të kaluar prej 12.3%, e cila u nxit nga rritja e energjisë dhe ushqimit. Kontrasti nënvizon se si, edhe pas 75 miliardë eurove (81.6 miliardë dollarë) të ndihmës qeveritare për faturat e gazit dhe energjisë elektrike, nuk kanë bërë shumë për rritjen e çmimeve.
Analiza e Napolit zbulohet nga Indeksi i ri mujor i Pica Margerita-s nga Bloomberg, i cili pasqyron goditjen e kostos së jetesës për italianët duke vlerësuar përbërësit e përgatitjes së një prej vakteve më të njohura dhe më të thjeshta të vendit.
Duke mbledhur të dhëna nga instituti kombëtar i statistikave të Italisë dhe ministria e financave, matësi gjurmon çmimet në rritje të përbërësve bazë – miell, domate, djathë mocarela dhe vaj ulliri. Ne kemi supozuar gjithashtu konsumin e energjisë elektrike që nevojitet për të gatuar një picë me një furrë elektrike shtëpiake.
Kostoja e bërjes së një pice në shtëpi është rritur shumë më shpejt sesa ajo e përgatitur paraprakisht. Çmimi për atë artikull është rritur me vetëm 9.9%. Ekonomitë e shkallës mund të kenë dorë në këtë.
Përveç energjisë, rritja më e madhe e kostos në indeks ishte për mocarelën, pothuajse 27% në të njëjtën periudhë – dhe miell, i cili u rrit pak më pak se 22%. Ata dhe përbërësit e tjerë janë artikuj mjaft të zakonshëm në shportën e blerjeve të një familjeje tipike.
Ndërsa ka një debat të madh rreth asaj se cilat shtesa janë të pranueshme në një picë të vërtetë italiane, ananasi jo e jo – Margherita, së bashku me një version edhe më të thjeshtë pa mocarela të njohur si Marinara, janë varietetet më të vlerësuara nga puristët.
E quajtur në mënyrë apokrifale sipas Margherita di Savoia, mbretëreshës së parë të Italisë pas bashkimit të saj, legjenda thotë se Pica Margherita u krijua fillimisht për nder të vizitës së saj në Napoli në 1889. Ngjyrat e përbërjes, kur një gjethe borziloku i freskët shtohet në fund për shije, rikrijon ato të flamurit italian jeshile, të bardhë dhe të kuqe.
Ekzistojnë disa variacione të picës, duke përfshirë varietetin romak të hollë dhe atë shumë të pasur të Nju Jorkut. Megjithatë, napolitanët pohojnë se e tyre është në një klasë më vete.
Duke mbështetur këtë pretendim, Bashkimi Europian e njohu atë si një produkt të Garantuar të Specialitetit Tradicional. Ky emërtim kërkon një furrë druri në 485 gradë Celsius (905 Fahrenheit), duke siguruar që korja të jetë së paku 1-2 centimetra e lartë dhe duke përdorur vetëm produkte të specifikuara duke përfshirë vaj ulliri ekstra të virgjër, borzilok të freskët, mocarela buffalo ose mocarela tradicionale lokale dhe domate vendase.
Burimi: Bloomberg/Gazeta “SI”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
