.png)
NASA publikoi imazhet e rralla dhe me cilësi të lartë të shkrepura nga sonda “Juno”, në të cilat shfaqet me të gjithë madhështinë e tij planeti më i madh i sistemit tonë diellor, Jupiteri.
Fotot janë shkrepur përgjatë harkut kohor të 2 viteve, duke filluar që prej shkurtit të 2018. Ato tregojnë planetin në kënde të ndryshme të aparatit të Junos, ku shpërfaqen stuhitë e vrullshme në atmosferën e Jupiterit.
Në njërin nga imazhet, mund të ilustrohet më së miri madhësia e Jupiterit në krahasim me një nga satelitët e tij natyrorë. Fotoja ka shkrepur hijen e lënë në sipërfaqen e Jupiterit nga hëna Io e këtij planeti.
Sonda “Juno” e NASAs u nis në vitin 2011 me mision vëzhgimin e Jupiterit dhe analizimin e mundësisë që në gjigantin e stërmadh të gaztë të fshihej ujë në formën e ngrirë. Ajo u vendos në orbitën e Jupiterit në korrik të 2016 dhe që prej asaj kohe ka dërguar në drejtim të Tokës imazhe dhe të dhëna të rëndësishme për NASA-n në studimin e Jupiterit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
