.png)
Gazeta Si – Nga qelia ku ndodhet që prej tetorit të vitit të kaluar, presidenti i Partisë së Lirisë, Ilir Meta, ka sulmuar ish-zyrtarin e lartë të partisë që ai drejton, Endrit Braimllarin, i cili pak kohë më parë iu bashkua Partisë Socialiste.
Meta thotë se Braimllari është më i gjallë i mënyrës se si SPAK-u arrin t’i konvertojë njerëzit pa karakter në “rilindas” të denjë – gënjeshtarë.
Në këtë kontekst, Meta kujton se kirma për lobimet e LSI-së në periudhën 2018–2019 është e Endrit Braimllarit, si Sekretar iu Përgjithshëm i LSI-së, ndërsa vetë ai kujton se ka qenë President i Shqipërisë.
Meta ka publikuar edhe dokumentin e SPAK, ku Endrit Braimllari faktohet si personi përgjegjës që ka firmosur lobimet në emër të LSI-së në periudhën 2018-2019, kur ai ishte Sekretar i Përgjithshëm i LSI-së.
Në postimin e tij, Meta akuzon Braimllarin se po përpiqet të fshehë përgjegjësinë e tij dhe t’i mohojë firmat që ka hedhur vetë.
“Endrit Braimllari është shembulli më i qartë i mënyrës se si SPAK-u arrin t’i konvertojë njerëzit pa karakter në ‘rilindas’ të denjë – gënjeshtarë. Vetëm një ‘rilindas’ mund të harrojë firmat që ka hedhur vetë dhe arsyet për të cilat i ka bërë. Ai është një gënjeshtar ordiner, që përpiqet të fshihet pas harresës, por e vërteta nuk fshihet as me lojëra fjalësh, as me konvertim teserash partie”.
Meta thekson se distancohet nga firmat e hedhura prej Braimllarit, të cilin më tej e akuzon se duke dëmtuar Partinë e Lirisë, vazhdoi karrierën politike si i “graduar” i PS në postin e nënkryetarit të Këshillit Bashkiak të Tiranës.
Ai ngre dyshime edhe mbi rolin e kreut të SPAK, Altin Dumanit, duke e pyetur në mënyrë retorike nëse është ky personi që ka firmosur dokumente zyrtare që po mohohen tashmë.
“Për firmat e tij unë qëndroj në izolim ekstrem, ndërsa Endriti ‘gradohet’ nënkryetar i Këshillit Bashkiak të Tiranës. Apo mos ndoshta është Altin Dumani që gënjen në shkresën zyrtare të firmosur prej tij?”, pyet Meta.
Nga hetimet në lidhje me dosjen, ku është i përfshirë ai dhe ish-bashkëshortja e tij, deputetja Monika Kryemadhi, SPAK duket ka zbuluar një tjetër episod të dyshuar korrupsioni.
Sipas burimeve paraprake, bëhet fjalë për një kartë tjetër bankare, e cila rezulton se është përdorur për blerje dhe shpenzime të ndyshme
Ilir Meta u arrestua më 21 tetor të vitit të shkuar, nën dyshimet se ka kryer korrupsion, mosdeklarim të ardhurash e pastrim parash së bashku me ish-gruan e tij, Monika Kryemadhi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
