Është goditur në detyrë një prej punonjësve të IKMT-së, pranë zonës së Astirit në kryeqytet.
Kjo ngjarje e rëndë ka ndodhur paraditen e sotme dhe sipas IKMT-së i plagosur rëndë me fraktura në kokë dhe duar ka mbetur shtetasi A. B, 50 vjeç, i cili është goditur nga banorët.
Mësohet se punonjësi është transportuar me urgjencë në Spitalin Ushtarak për të marrë mjekim.
Siç thuhet në njoftimin e IKMT-së, punonjësi ishte duke krye detyrën, teksa lajmëronte poseduesit e disa objekteve në këtë zonë se janë pengesë e zbatimit të projektit të Unazës së Madhe.
IKMT ka denoncuar këtë akt punonjësin e saj dhe kërkon nga organet përkatëse të marrin masat e menjëhershme për vënien para përgjegjësisë së autorëve.
Po ashtu, IKMT u ka bërë thirrje banorëve dhe qytetarëve, se punonjësit e saj janë në shërbim të ligjit dhe komunitetit dhe nuk do të tërhiqen për asnjë moment nga detyrat e tyre, pavarësisht sjelljeve rrugaçërore, barbare dhe të paligjshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
