.png)
Gazeta Si – Një 33-vjeçar, i idenifikuar si Madrit Ulqinaku, është qëlluar me armë zjarri për vdekje në Elbasan nga një 18-vjeçar, pas një sherri për arsye banale që kanë pasur, ku janë përfshirë disa të rinj.
Ngjarja ndodhi në lagjen “Kongresi”, në qendër të qytetit, ndërsa policia bëri të ditur se ka mundur të identifikojë edhe autorin e këtij krimi. Ai është një 18 vjeçar me inicialet H.P.
Sipas policisë, shkak për vrasjen është bërë një sherr banal mes të rinjve. Viktima mësohet se ka qenë duke hipur në makinë kur është qëlluar nga adoleshenti, i cili pasi e ka vrarë është larguar me një makinë, ku dyshohet se ishin edhe dy persona të tjerë.
Shërbimet e Policisë pasi shkuan në vendngjarje bënë rrethimin e zonës ndërsa vijon krehja për të bërë të mundur kapjen e autorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
