.png)
Gazeta Si - Gomisti i një servisi ka mbetur i vdekur, pasi i ka plasur goma e kamionit gjatë punës. Ngjarja ka ndodhur në aksin rrugor Lezhë-Milot në vendin e quajtur Zejmen.
Sipas burimeve policore, viktima është S.M., 53 vjeç, i cili punonte si gomist. Ai ka qenë duke fryrë gomën e një kamioni në gomisterinë e tij, por trysnia që solli në shpërthimin e saj i mori atij jetën.
Siç duket në foto, goma është çarë në një pjesë të saj nga presioni i lartë, që la të vdekur në vend 53-vjeçarin nga përplasja e fortë.
"Rreth orës 08:30, në një servis automjetesh në afërsi të Kryqëzimit të Spitenit, shtetasit S. M. 53 vjeç, gomist pranë servisit, duke punuar, i ka shpërthyer një gomë automjeti, e për pasojë ka humbur jetën", - njoftoi policia, e cila ka nisur hetimet për këtë ngjarje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
