Deputeti i Partisë Sopcialiste, Ilir Ndraxhi, emri i të cilit lakohet në përgjimet e publikuara nga gazeta gjermane “Bild” nga ish i dënuari për vrasje, Astrit Avdylaj, merret në pyetje nga prokuroria për Krime të Rënda për llogari të hetimeve të dosjes 339.
Mësohet se Ndraxhi është marrë në pyetje këtë të enjte dhe për rreth dy orë ka dhënë shpjegimet e tij për çështjen.
Në përgjimet e prokurorisë që u publikuan nga Bild, dëgjohet Avbdylaj teksa flet me Arjan Ndraxhin, vëllain e deputetit socialist, të cilin e informon se Iliri do të jetë në listën e kandidatëve për deputetë në zgjedhjet parlamentare të qershorit 2017.
Biseda ngriti dyshime të forta se është pikërisht Astrit Avdylaj, njeriu që ka ndikuar që Ndraxhi të jetë pjesë e listës, edhe pse deputeti ka mohuar çdo lidhje me anëtarët e grupit kriminal.
Prokuroria e ndikuar nga publikimet e Bild dhe përplasjeve të fortave politike u detyrua të niste një hetim për shitblerjen e votës në kuadër të grupit kriminal, ka marrë më herët edhe dëshminë e kryebashkiakut të Durrësit, Vangjush Dako.
Sa i përket audiopërgjimit për rastin Ndraxhi, deputeti socialist në media e ka mohuar një gjë të tillë. Me herët në prokurori është thirur edhe kryebashkiaku i Durrësit Vangjush Dako që është pyetur për përgjimet e Avdylajve.
Pjesë nga biseda e audiopërgjimeve të Bild
Astrit Avdylaj: Si je Arjan çfarë bëhet.
Vëllai i Ilir Ndraxhit (deputet i PS-së), Arjan Ndraxhi: Mirë mirë me çunin
Avdylaj: Të mora për qejf a e kanë thirr a noj gjë, vëllain?
Arjan Ndraxhi: Jo mor burrë, ai tha që do takohej me ty, ti nuk ishe dje. Ishte dhe ndeshja e Juves nuk e di. Ai tha Juli ka folur, do takohen nesër. Mori në darkë dhe tha se do takohet me Ridin, Julin dhe Astritin
Astrit Avdylaj: Ok
Arjan Ndraxhi: Do u takonte dhe me atë, me Gjushin në fakt do të takohej te puna.
Avdylaj: Ok, ok, unë jam duke prit, nesër pasnesër ai (Vangjush Dako) më tha që është e bome. me një fjalë e kena n’xhep, a e kupton vëllain tat
Jemi duke pritur, ai mtha me 25, ishte Eltoni (Elton Arbana) ishte aty e vuni të 10 a 11. Unë jam
duke punu të lagjia ime, jam tu taku çdo njeri. Nuk kam dalë në pazar. Do ti japim një 10 me zero (Edi Ramës) atij të ‘gjatit’ që të habitet dhe vetë.
Arjan Ndraxhi: Bëji një telefon Julit, ikni e folni takohuni te puna.
Avdylaj: Mirë pra o rob Zoti
Arjan Ndraxhi: A e ke numrin e Julit
Avdylaj: Po po e kam
Arjan Ndraxhi: Faleminderit
Avdylaj: Ca flet mor
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
