.png)
Pas një nisjeje të qetë të procesit të votimit, kanë nisur incidentet e para nw qytetin e Durrësit. Policia e Durrësit ka arrestuar një 53-vjeçar në fshatin Sukth të Durrësit, pasi ka hyrë me armë zjarri në qendër votimi.
53-vjeçari ka hyrë në qendër të votimit, ka kërcënuar komisionarët dje ka thyer kutinë e votimit.
Policia bën me dije se bëhet fjalë për shtetasin Ramiz Bakanaçi 53 vjeç, banues në Katund Sukth, i cili është futur me armë zjarri në QV nr. 1521, dhe pasi ka kërcënuar komisionerët, ka marrë kutinë e votimit duke e nxjerrë jashtë ambienteve të QV dhe ka hedhur materialet zgjedhore.
Policia e ka arrestuar në flagrancë si dhe i ka sekuestruar armën e zjarrit automatik model 56, me të cilën autori hyri në qendrën e votimit.
Materialet hetimore i kaluan Prokurorisë pranë Gjykatës së Shkallës së parë Durrës për veprat penale “Mbajtja pa leje e armëve luftarake dhe municionit”, “Pengimi i subjekteve zgjedhore” dhe “Dëmtimi me dashje i materialit zgjedhor”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
