.png)
Gazeta Si – Të paktën pesë persona u plagosën në një goditje me thikë që ndodhi pranë sheshit “Dam”, në qendër të Amsterdamit pasditen e kësaj të enjteje në Holandë.
Lajmin e ka bërë të ditur policia e Amsterdamit, duke shtuar se një i dyshuar është arrestuar sipas asaj që raporton gazeta “De Telegraaf”.
In a stabbing incident at the Sint Nicolaasstraat nearby the Dam square five people have been injured. One suspect has been arrested.
— Politie Eenheid Amsterdam (@POL_Amsterdam) March 27, 2025
Nuk është ende e qartë se çfarë ka ndodhur saktësisht. Për momentin nuk dihen shkaqet e sulmit, policia po heton. Një zëdhënës i policisë tha se ishte raportuar një grabitje.
E gjithë zona u mbyll nga efektivët, të cilët nuk dhanë asnjë informacion të mëtejshëm. Nuk dihet nëse të lënduarit janë në gjendje të rëndë apo kanë lëndime të lehta.
Në vendngjarje ndodhen dhjetëra forca policie, si dhe një helikopter mjekër e disa autoambulanca. Ngjarja tërheq shumë vëmendje, siç mund të shihet edhe në pamjet live. Ngjarja ka ndodhur pak para orës 15:30.
Një dëshmitar i tha mediave lokale se në sheshin Dam, “papritmas u dëgjua një britmë e akullt”, pas së cilës shpërtheu një panik. Por nuk ishte menjëherë e qartë për të dhe për kalimtarët e rastit se çfarë po ndodhte.
Behoorlijke chaos op De Dam pic.twitter.com/0uNfNFlqU5
— Marcel Vink (@marcelvink888) March 27, 2025
Një dëshmitare tjetër, një punonjëse e një dyqani pëlhurash, tha për gazetën AD se ajo pa një vajzë të goditur me thikë pas shpine.
Ajo po ashtu pa edhe një djalë duke ikur. Klientët panë gjithashtu një kalimtar të goditur me thikë përpara kafenesë “De 3 Fleschjes”.
“Klientët panë një grua të moshuar të goditur me thikë pas shpine. Ajo ishte me burrin e saj. Unë e pashë atë vetëm kur gruaja ishte shtrirë në tokë. Ishte shumë e zymtë”.
Një tjetër kalimtar pa një burrë me kapuç mbi kokë që goditi me thikë një grua dhe më pas vazhdoi të ecë drejt Sheshit Dam.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
