.png)
Gazeta Si – Holanda dhe Senegali janë dy skuadrat e kualifikuara nga Grupi A për në fazën e 1/8-ve të Botërorit të Katarit. Ato bashkohen me Francën, Brazilin dhe Portugalinë, duke e çuar në 5 numrin e skuadrave të kualifikuara.
Për Holandën nuk kishte asnjë dyshim në fakt, sepse luante me Katarin e eliminuar që pas dy ndeshjeve të para. ‘Tulipanët’ fituan 2-0, me gola të të zakonshmit Gakpo dhe Frenki De Jong. Holanda e mbyll grupin në vend të parë, me 7 pikë.
Vendin e dytë e ka zënë Senegali, që mundi 1-2 Ekuadorin në sfidën direkt për kualifikim. Afrikanët duhej të fitonin patjetër dhe ia arritën qëllimit, falë golave të Sarr me penallti dhe Kulibali në zhvillimet e një goditjeje dënimi.
Ekuadorit i bënte punë edhe barazimi në këtë ndeshje për ta mbajtur Senegalin prapa, ndërsa tani i duhet të kthehet në shtëpi, sepse Botërori i tij ka përfunduar, ashtu si i Katarit vendës. Senegali, edhe pse pa yllin e tij Sadio Mane, ka arritur objektivin e kalimit të grupit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
