.png)
Gazeta Si- Për të ndaluar agresionin rus, ai minoi një urë dhe e hodhi në erë, duke u vrarë në shpërthim: tani Vitaly Skakun Volodymyrovych, një ushtar ukrainas i vendosur në rajonin Kherson, është kthyer në hero.
Një ushtarak, Skakun kishte dalë vullnetar për misionin e rrezikshëm të vendosjes së shpejtë të lëndëve plasëse në urën e Henichesk: ai ia doli, por nuk pati kohë të shpëtonte.
Ura është një pikë strategjike që lidh Krimenë, tashmë të aneksuar nga Rusia, me Ukrainën kontinentale: për këtë arsye forcat e armatosura ukrainase kanë vendosur ta shembin atë, për të ngadalësuar përparimin e ushtrisë së Putinit.
Kështu, sipas shtabit të përgjithshëm ukrainas, Vitaly Skakun Volodymyrovych doli vullnetar pikërisht në momentin që po mbërrinte një kolonë tankesh ruse.
Inxhinieri vendosi ngarkesat shpërthyese në urë, por kuptoi se nuk kishte kohë për t’u larguar: nëse do të kishte pritur të ishte i sigurt përpara se të hidhte në erë strukturën, tanket do të kishin kaluar.
Kështu, shpjegon shtabi i përgjithshëm ukrainas, “sipas bashkëluftëtarëve, Vitali ra në kontakt me ta dhe tha se do të hidhte në erë urën menjëherë. Menjëherë pas kësaj ndodhi shpërthimi”.
Sipas ushtrisë ukrainase, sakrifica e Skakun arriti të “ngadalësojë ndjeshëm përparimin e armikut”, duke u dhënë gjithashtu kohë forcave të Kievit për t’u rigrupuar për të rritur mbrojtjen në atë zonë.
Tani komanda ushtarake synon t’i japë Vitaly Skakun Volodymyrovych “njohjen pas vdekjes për veprën e tij heroike”.
Përtej Odesës, nga ishulli i gjarpërinjve deri te gryka e Danubit në Detin e Zi, mbërrin një histori tjetër heroizmash.
Duket se është regjistrimi i një komunikimi radio midis një anijeje ushtarake ruse dhe garnizonit ukrainas të ngritur për të mbrojtur ishullin. “Ne propozojmë që të vendosni armët menjëherë për të shmangur gjakderdhjen dhe vdekjet e pajustifikuara. E përsëris dorëzohuni ose do të goditeni”, është zëri i një gruaje që pëshpërit diçka, pastaj vjen përgjigja nga garnizoni ukrainas: “Anije luftarake ruse shkoni në të djall…”.
Presidenti Zelensky i emëroi menjëherë 13 doganierët që vdiqën në bombardimin pas fjalës së betimit si heronj të atdheut.
Moska, nga ana tjetër, thotë se pas asaj mospërmbajtjeje, 85 ushtarët e ishullit u dorëzuan. Kushdo që ka të drejtë, episodi konfirmon metodën ruse: kërkon dorëzimin e njësive të armikut.
Nëse Putini vërtet dëshiron të instalojë një qeveri-kukull në Kiev, më e pakta që mund të bëjë për ta bërë më të lehtë, është të mos ushqejë mëri tek ukrainasit e ardhshëm pro-rusë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
